ნინო აგლაძე

ექიმი რეანიმატოლოგ-ანესთეზიოლოგი, ბავშვთა ქირურგი, მედიცინის დოქტორი.

ნინო აგლაძე 2007 წლიდან არის სამედიცინო ცენტრ „მედიქლაბჯორჯიას" გუნდის წევრი და სასწავლო ცენტრის ინსტრუქტორი.

2009 წლიდან იგი არის ამერიკის გულის ასოციაციის (American Heart Association) სერტიფიცირებული ტრენერი სხვადასხვა მიმართულებით: BLS (სიცოცხლის შენარჩუნების ბაზისური მეთოდები), ACLS (დახვეწილი კარდიოვასკულური დახმარება) და PALS (პედიატრიული გადაუდებელი დახმარება).

2010 წლიდან არის ამერიკის გადაუდებელი დახმარების ექიმთა ნაციონალური ასოციაციის (NAEMT) პროგრამის "ტრავმის პრეჰოსპიტალური მართვა" (PHTLS) ინსტრუქტორი.

2013 წლიდან ასრულებს ამერიკის ქირურგთა კოლეჯის (ACS) კოორდინატორის მოვალეობას საქართველოში.

აკადემიური საქმიანობა

2021 წლიდან არის ივანე ჯავახიშვილის სახელობის თბილისის სახელმწიფო უნივერსიტეტის მედიცინის ფაკულტეტის კლინიკური და კვლევითი უნარ-ჩვევების კათედრის ასისტენტ-პროფესორი.

ნინო აგლაძე მოწვეულ პედაგოგად მუშაობს კავკასიის უნივერსიტეტში ბავშვთა ქირურგიის მიმართულებით.

იგი ფლობს 27 წლიანი პედაგოგიური მოღვაწეობის გამოცდილებას სხვადასხვა უნივერსიტეტებში, მათ შორის თბილისის სახელმწიფო სამედიცინო უნივერსიტეტსა და დავით ტვილდიანის სამედიცინო უნივერსიტეტში.

ნინო აგლაძე არის 25 სამეცნიერო სტატიისა და 1 მეთოდური სახელმძღვანელოს ავტორი.