ACLS - დახვეწილი კარდიო-ვასკულური დახმარება

დახვეწილი კარდიოვასკულური დახმარება (ACLS) განკუთვნილია სამედიცინო სფეროში დასაქმებული ნებისმიერი ადმიანისთვის ვინც პროფესიული საქმიანობისას პირდაპირ ან არაპიდაპირ მონაწილეობას ღებულობს პაციენტის რეანიმაციულ ღონისძიებებში ჰოსპიტალურ ან პრეჰოსპიტალურ ეტაპზე. პროგრამა განსაკუთრებით მნიშვნელოვანი და სასარგებლოა გადაუდებელი სამედიცინო დახმარებისა და მიმღები განყოფილებების ექიმებისა და ექთნებისათვის.

კურსის მსვლელობისას მსმენელები განიმტკიცებენ უნარ-ჩვევებს რომლებიც აუცილებელია გულის გაჩერებისა და გულის გაჩერების წინამორბედი მდგომარეობების დროს პაციენტის მკურნალობისათვის სხვადასხვა გადაუდებელი მდგომარეობების სიმულაციებში მონაწილეობის გზით.

კურსის ძირითადი თემატიკა:

• სიცოცხლის შენარჩუნების ბაზისური მეთოდები - პირველადი შეფასება (BLS), სიცოცხლის შენარჩუნების დახვეწილ მეთოდები - მეორადი შეფასება (ACLS)

• სუნთქვის გაჩერების მართვა

• გადაუდებელი კარდიო-ვასკულური მდგომარეობების დროს გამოყენებული ტექნიკური აღჭურვილობის მიმოხილვა

• რეანიმაციის გუნდის პრინციპი

• გულის გაჩერების დახვეწილი მართვა

• პულსგარეშე ვენტრიკულური ტაქიკარდია და პარკუჭთა ფიბრილაცია

• პულსგარეშე ელექტრული აქტიობა/ასისტოლია (სიტუაციური სცენარი/პრაქტიკული მეცადინეობა)

• ბრადიკარდია (სიტუაციური სცენარი/პრაქტიკული მეცადინეობა)

• ტაქიკარდია სტაბილური/არასტაბილური (სიტუაციური სცენარი/პრაქტიკული მეცადინეობა)

• მწვავე კორონარული სინდრომები

• ინსულტი

უწყვეტი სამედიცინო განათლება

კურსის გავლის შემდეგ მსმენელს გადაეცემა ამერიკის გულის ასოციაციის სერტიფიკატი და ჯანდაცვის სამინისტროს მიერ აკრედიტირებული სერტიფიკატი (12 კრედიტ ქულა), რომელიც ძალაშია გაცემიდან ორი წლის განმავლობაში.

აკრედიტაციის ნომერი: 1441