BLS ინსტრუქტორის კურსი

ვისთვის არის ეს კურსი?

თუ თქვენ ხართ სამედიცინო სფეროს წარმომადგენელი, სრულყოფილად ფლობთ სიცოცხლის შენარჩუნების ბაზისურ მეთოდებს (Basic Life Support, BLS) და გსურთ ეს ცოდნა სხვებსაც გაუზიაროთ, ეს კურსი თქვენთვისაა.

ინსტრუქტორობა არის პროფესიული განვითარების ლოგიკური შემდეგი საფეხური. ის გაძლევთ სამ რეალურ სარგებელს:

• პროფესიულ ზრდას. სწავლება საუკეთესო გზაა საკუთარი კლინიკური უნარების გასამყარებლად. ინსტრუქტორი ვალდებულია მუდმივად იყოს განახლებული უახლეს რეანიმაციულ სახელმძღვანელო პრინციპებთან.

• დამატებით შემოსავალს. სერტიფიცირებული BLS ინსტრუქტორი ატარებს კურსებს როგორც ჩვენს ბაზაზე, ისე დამოუკიდებლად, საკუთარ სამუშაო ადგილზე ან პარტნიორ ორგანიზაციებში.

• საერთაშორისო აღიარებას. AHA-ს ინსტრუქტორის ბარათი აღიარებულია როგორც ეროვნულ, ისე საერთაშორისო დონეზე.

კურსი განკუთვნილია:

• რეანიმატოლოგებისთვის, ანესთეზიოლოგებისთვის და გადაუდებელი მედიცინის ექიმებისთვის

• ექთნებისთვის და პარამედიკოსებისთვის

• სასწრაფო სამედიცინო დახმარების ბრიგადის წევრებისთვის

• სამედიცინო უნივერსიტეტების და კოლეჯების პედაგოგებისთვის

• კლინიკების უწყვეტი განათლების (CME) და ხარისხის სამსახურის ხელმძღვანელებისთვის

• სიმულაციური ცენტრების თანამშრომლებისთვის
  

წინაპირობები: რა გჭირდებათ დასაწყებად

AHA-ს Program Administration Manual-ით (PAM) და BLS Instructor Essentials Faculty Guide-ით განსაზღვრულია შემდეგი სავალდებულო წინაპირობები. კურსზე დაშვება შესაძლებელია მხოლოდ ყველა პუნქტის დაკმაყოფილების შემთხვევაში.

მნიშვნელოვანია: AHA-ს წესებით ინსტრუქტორი მიმაგრებული (aligned) უნდა იყოს კონკრეტულ ავტორიზებულ ტრენინგ ცენტრთან. მხოლოდ ცენტრთან დაკავშირებულ ინსტრუქტორს აქვს კურსების ჩატარებისა და სერტიფიკატების გაცემის უფლება.

კურსის სტრუქტურა: 5 ეტაპი AHA-ს სტანდარტით

ჩვენი პროგრამა სრულად შეესაბამება AHA-ს საერთაშორისო სტანდარტს და მოიცავს ხუთ თანმიმდევრულ ეტაპს.

ეტაპი 1. შერჩევა და რეგისტრაცია

თქვენ ავსებთ სარეგისტრაციო ფორმას ამ გვერდზე. ჩვენი კოორდინატორი გიკავშირდებათ 1-2 სამუშაო დღეში, ამოწმებს თქვენი Provider სერტიფიკატის მოქმედების ვადას და გიგზავნით Instructor Candidate Application-ს. ამავე ეტაპზე ფორმდება ხელშეკრულება მედიქლაბჯორჯიასთან.

ხანგრძლივობა: 2-5 სამუშაო დღე.

ეტაპი 2. ონლაინ მოდული (AHA BLS Instructor Essentials Online)

თეორიულ მასალას გადიხართ დამოუკიდებლად, თქვენთვის მოსახერხებელ დროს, სახლიდან გაუსვლელად, AHA-ს ოფიციალურ პლატფორმაზე elearning.heart.org.

მოდული შედგება ორი ნაწილისგან:

• საბაზისო მოდული (Core module): AHA-ს სასწავლო ქსელის სტრუქტურა, ინსტრუქტორის ძირითადი კომპეტენციები და სწავლების ციკლი. ეს მოდული უნდა გაიაროთ ერთხელ და ვრცელდება ყველა დისციპლინაზე.

• დისციპლინის მოდული (BLS-specific module): BLS Provider კურსის სპეციფიკა, მასალები, ვიდეოები და ჩეკლისტები.

მოდულის ბოლოს არის ტესტი. წარმატებით ჩაბარებისთვის საჭიროა დააგროვოთ არანაკლებ 84%. გამოცდა ტარდება ღია რესურსის პრინციპით (open resource): დაშვებულია პროვაიდერის ან ინსტრუქტორის სახელმძღვანელოს, ჩანაწერების და AHA-ს გაიდლაინების გამოყენება, თუმცა აკრძალულია სხვა კანდიდატებთან ან ინსტრუქტორთან განხილვა.

წარმატებით გავლის შემდეგ თქვენ იღებთ დასრულების სერტიფიკატს (certificate of completion), რომელიც სავალდებულოა პრაქტიკულ სესიაზე დასაშვებად.

ეტაპი 3. პრაქტიკული სესია ჩვენს ცენტრში (Hands-on Session)

ინტენსიური, ერთდღიანი დასწრებული ტრენინგი მედიქლაბჯორჯიაში, ტრენინგ ცენტრის ფაკულტეტის (Training Center Faculty, TCF) წევრის ხელმძღვანელობით.

ხანგრძლივობა: დაახლოებით 5,5 საათი შესვენებების გარეშე, დაახლოებით 6 საათი შესვენებებთან ერთად (AHA-ს BLS Instructor Essentials Faculty Guide-ის სარეკომენდაციო დღის წესრიგის მიხედვით).

თანაფარდობა: ერთი ფაკულტეტის წევრი მაქსიმუმ 7 კანდიდატზე. ეს გარანტიას გაძლევთ, რომ თითოეული კანდიდატი მიიღებს ინდივიდუალურ უკუკავშირს.

სესია ფარავს 16 გაკვეთილს, მათ შორის:

• AHA-ს სასწავლო ქსელის მოწყობა და ინსტრუქტორის რესურსები (Instructor Network, Atlas)

• BLS Provider კურსის მომზადება და ორგანიზება

• ერთმაშველიანი და ორმაშველიანი ზრდასრულის BLS

• ავტომატური გარე დეფიბრილატორის (AED) გამოყენების სწავლება

• ბავშვისა და ჩვილის BLS

• სასუნთქი გზების ობსტრუქცია (choking)

• მაღალეფექტური გუნდის აქტივობა (High-Performance Teams)

• უნარების ტესტირება, გამოცდის ადმინისტრირება და რემედიაცია

• HeartCode BLS და ბლენდირებული სწავლება

• Heartsaver კურსების მიმოხილვა

• კურსის ადმინისტრირება და დოკუმენტაციის წარმოება

სესიის ბოლოს ტარდება წერითი გამოცდა. საჭიროა, რომ დააგროვოთ არანაკლებ 84%.

ეტაპი 4. მონიტორინგი რეალურ კურსზე

თქვენს მიერ ჩატარებულ პირველ BLS Provider კურსს აკვირდება ჩვენი ტრენინგ ცენტრის ფაკულტეტის წევრი და აფასებთ AHA-ს ოფიციალური Instructor Monitor Tool-ის მიხედვით.

ვადა: მონიტორინგი უნდა შედგეს პრაქტიკული სესიის წარმატებით დასრულებიდან 6 თვის განმავლობაში.

დამკვირვებლის როლი მხოლოდ დაკვირვებაა. ის არ ერევა კურსის მიმდინარეობაში და არ გისწორებთ მსმენელების თანდასწრებით, რაც უზრუნველყოფს ბუნებრივ სამუშაო გარემოს.

შეფასების სამი ბლოკი:

თითოეული პუნქტი ფასდება ოთხი ვარიანტით: „დიახ”, „დიახ, ცვლილების მოთხოვნით”, „არა”, „არ დაფიქსირდა”.

ადმინისტრაციული კომპეტენციები (როსტერების, გამოცდის უწყისებისა და შეფასებების სწორად წარმოება) ცალკე ფასდება განახლების ჩეკლისტით (Instructor/TCF Renewal Checklist) ცენტრის კოორდინატორის მიერ.

შევსებული Instructor Monitor Tool ცენტრს წარედგინება მონიტორინგიდან 10 სამუშაო დღეში.

ეტაპი 5. ინსტრუქტორის სტატუსის მინიჭება (Onboarding)

წარმატებული მონიტორინგის შემდეგ მედიქლაბჯორჯია გიგზავნით ინსტრუქტორის ბარათს შევსებული მონიტორინგის ფორმის მიღებიდან 10 სამუშაო დღეში. ბარათის გაცემის თარიღად ფიქსირდება ის თვე და წელი, როდესაც მონიტორინგი წარმატებით დასრულდა.

ამავე ეტაპზე თქვენ:

• იღებთ პირად ინსტრუქტორის საიდენტიფიკაციო ნომერს (Instructor ID), რომლის გარეშეც სერტიფიკატების გაცემა შეუძლებელია

• ასრულებთ მიმაგრებას (alignment) Atlas-ზე

• გადიხართ ჩვენს შიდა ორიენტაციას: როსტერების შევსება, eCard-ების გაცემა, დოკუმენტაციის შენახვა და ხარისხის უზრუნველყოფის (Quality Assurance, QA) წესები

ამის შემდეგ თქვენ ხართ სრულუფლებიანი AHA BLS ინსტრუქტორი.

რა ხდება, თუ მონიტორინგზე ხარვეზი გამოვლინდა?

AHA-ს წესები ითვალისწინებს რემედიაციას (remediation), ანუ დამატებით მომზადებას. კურსიდან გარიცხვა არ ხდება. დამკვირვებელი ხარვეზის ტიპის მიხედვით ირჩევს შემდეგ გზას:

ყველა შემთხვევაში დგება ინდივიდუალური გეგმა.

ღირებულება და რა შედის ფასში

კურსის ღირებულება: 1500 ლარი.

რას გაძლევთ ინსტრუქტორის სტატუსი?

AHA BLS ინსტრუქტორის სტატუსის მოპოვების შემდეგ თქვენ იღებთ უფლებას, ჩაატაროთ BLS Provider კურსები და გასცეთ ოფიციალური eCard-ები. ეს შესაძლებელია ორი მოდელით.

მოდელი 1. მედიქლაბჯორჯიას ბაზაზე

თქვენ ატარებთ კურსებს ჩვენს ტრენინგ ცენტრში, ჩვენივე აღჭურვილობით, კალენდრით და მსმენელთა ნაკადით. ადმინისტრირებას, რეგისტრაციას და ბარათების გაცემას ვუზრუნველყოფთ ჩვენ. თქვენ იღებთ ანაზღაურებას ჩატარებულ კურსზე.

მოდელი 2. დამოუკიდებელი ინსტრუქტორი (Independent Affiliate)

თქვენ ატარებთ ტრენინგებს თქვენს სამუშაო ადგილზე, თქვენს კლინიკაში ან სხვა ორგანიზაციებში, ხოლო ოფიციალური სერტიფიკატების გაცემა და ხარისხის კონტროლი ხდება მედიქლაბჯორჯიას სასწავლო რესურს ცენტრის (MCG ITC) მეშვეობით. სრული პირობები იხილეთ გვერდზე [დამოუკიდებელი ინსტრუქტორი].

ეს მოდელი განსაკუთრებით მოსახერხებელია, თუ:

• მუშაობთ კლინიკაში, რომელსაც სჭირდება პერსონალის რეგულარული სერტიფიცირება

• გაქვთ საკუთარი სასწავლო ან სიმულაციური ცენტრი

• გსურთ კურსების ჩატარება რეგიონებში

რას აკეთებს ცენტრი თქვენს ნაცვლად: როსტერების დამუშავებას AHA-ს პლატფორმაზე, eCard-ების გაცემას, დოკუმენტაციის შენახვას, გამოცდების უსაფრთხოებას, ხარისხის აუდიტს და AHA-ს განახლებების დროულ მოწოდებას.

სტატუსის შენარჩუნება და განახლება

ინსტრუქტორის ბარათის მოქმედების ვადაა 2 წელი. დეტალური პროცედურა იხილეთ გვერდზე [ინსტრუქტორის სტატუსის განახლება].

განახლებისთვის, AHA-ს Instructor/TCF Renewal Checklist-ის მიხედვით, ორწლიან ციკლში უნდა შესრულდეს ყველა შემდეგი პირობა:

შეღავათი 4 კურსის მოთხოვნაზე: AHA უშვებს ამ მოთხოვნის გაუქმებას (waiver) ან ვადის გაგრძელებას განსაკუთრებულ შემთხვევებში, მაგალითად ავადმყოფობის ან ტრავმის გამო სამსახურიდან ხანგრძლივი გამოთიშვისას, ან თუ რეგიონში ობიექტურად ცოტა კურსი ტარდებოდა. გადაწყვეტილებას იღებს ტრენინგ ცენტრის კოორდინატორი AHA-ს თანამშრომელთან კონსულტაციით და ინახავს დასაბუთებას თქვენს პირად საქმეში.

ინსტრუქტორის ბარათი ჩანაცვლებს Provider ბარათს. სანამ თქვენი ინსტრუქტორის ბარათი მოქმედია, თქვენი Provider სტატუსი იმავე დისციპლინაში ითვლება მოქმედად. AHA ცალკე Provider ბარათს არ ითხოვს. გაითვალისწინეთ, რომ ცალკეულმა დამსაქმებელმა ან მარეგულირებელმა ორგანომ შესაძლოა მაინც მოითხოვოს მოქმედი Provider ბარათი.

რატომ მედიქლაბჯორჯია?

მედიქლაბჯორჯია გთავაზობთ არა ერთჯერად სასწავლო კურსს, არამედ გრძელვადიან პარტნიორობას.

აქცენტი სწავლების მეთოდოლოგიაზე. ჩვენი მიზანია, გაქციოთ პროფესიონალ ტრენერად და არა უბრალოდ გადმოგცეთ ალგორითმები. თქვენ შეისწავლით აუდიტორიის მართვას, ეფექტური უკუკავშირისა და დებრიფინგის თანამედროვე მეთოდოლოგიას, რომელიც სიმულაციურ განათლებაშია აპრობირებული.

უწყვეტი მხარდაჭერა. კურსის დასრულების შემდეგ ჩვენი გუნდი უზრუნველყოფს თქვენს მუდმივ აკადემიურ და ადმინისტრაციულ მხარდაჭერას: კურსების დაგეგმვას, აღჭურვილობის საკითხებს, დოკუმენტაციას და AHA-ს განახლებების დროულ მიწოდებას.

გამოცდილი ფაკულტეტი. სწავლება მიმდინარეობს AHA-ს სტანდარტების სრული დაცვით, ტრენინგ ცენტრის ფაკულტეტის (TCF) წევრების უშუალო მენტორობით.

თანამედროვე აღჭურვილობა. უკუკავშირის მქონე მანეკენები (feedback devices), AED-ტრენაჟორები  AHA-ს რეკომენდებული რაოდენობით.

გამჭვირვალე პროცესი. თქვენ თავიდანვე იცით, რა ეტაპები და რა ვადებში უნდა გაიაროთ.