ATLS - ტრავმის დახვეწილი მართვა (ACS)

ATLS - ტრავმის დახვეწილი მართვა წარმოადგენს ამერიკის ქირურგთა კოლეჯის ტრავმის კომიტეტის მიერ შემუშავებულ და აკრედიტებულ კურსს, რომელიც დღეისათვის დანერგილია მსოფლიოს 60-ზე მეტ ქვეყანაში, მათ შორის აღმოსავლეთ და დასავლეთ ევროპის, აზიისა და აფრიკის ქვეყნებში.

სასწავლო კურსი მარტივი და სისტემური მიდგომის წყალობით წარმოადგენს დაშავებული პაციენტის გადაუდებელი დახმარების ყველაზე უსაფრთხო და სარწმუნო კონცეფციას.

კურსის დასრულების შემდეგ პრაქტიკოსი ექიმი ფლობს ძირითად და აუცლებელ ცოდნას იმისათვის, რომ:

• შეაფასოს დაშავებული პაციენტის მდგომარეობა სწრაფად და ზუსტად;

• ჩაატაროს რეანიმაცია და პაციენტის სტაბილიზაცია პრიორიტეტების გათვალისწინებით;

• განსაზღვროს სიტუაციები, როდესაც პაციენტის დაზიანებები და მდგომარეობის სიმძიმე აღემატება სამედიცინო დაწესებულების/ექიმის რესურსებსა და შესაძლებლობებს;

• ორგანიზება გაუწიოს პაციენტის ინტერ ან ინტრაჰოსპიტალურ ტრანსპორტირებას;

• უზრუნველყოს პაციენტის უწყვეტი მართვა საბოლოო მკურნალობის ადგილზე მის გადაყვანამდე.

ATLS კურსის ხანგრძლივობა შეადგენს 3 დღეს და მოიცავს დაშავებული პაციენტის სწრაფ საწყის შეაფსებასა და სიცოცხლის შემანარჩუნებელ გადაუდებელ ჩარევებს, განმეორებით შეფასებას, სტაბილიზაციას და საჭიროების დროს პაციენტის რეფერალის/ტრანსპორტირების აუცილებლობის განსაზღვრას.

კურსი შედგება პრეტესტისა და შემაჯამებელი ტესტისაგან, ძირითადი ლექციებისაგან, ინტერაქტიული სცენარების განხილვისაგან, დისკუსიებისაგან, ქირურგიული უნარ-ჩვევების გამოსამუშავებელი პრაქტიკულებისაგან და კურსის ათვისების საბოლოო შეფასებისაგან.

უწყვეტი სამედიცინო განათლება

კურსი „ტრავმის დახვეწილი მართვა“ აკრედიტირებულია საქართველოს შრომის ჯანმრთელობისა და სოციალური დაცვის სამინისტროს მიერ და შესაბამისად მსმენელს ენიჭება 18 კრედიტ ქულა.

აკრედიტაციის ნომერი: 1442

კურსის წარმატებით გავლის შემთხვევაში მსმენელს გადაეცემა დამადასტურებელი სერტიფიკატი.