1 ივლისს, კახეთის რეგიონში ათასწლეულის ფონდის აგრობიზნესის განვითარების პროექტის ფარგლებში დაფინანსებული ორი საწარმო გაიხსნა. ღონისძიებას ესწრებოდნენ ადგილობრივი მთავრობის, ათასწლეულის ფონდისა და "სი-ენ-ეფ-ეი"-საქართველოს წარმომადგენლები, ასევე, ადგილობრივი ფერმერები.

12:00 სთ-ზე,  გურჯაანში ფერმერთა მომსახურების ახალი ცენტრი გაიხსნა. აღნიშნული ცენტრი ადგილობრივ ფერმერებს უზრუნველყოფს მაღალი ხარისხის სასოფლო-სამეურნეო წარმოების საშუალებებითა და მომსახურებით. აქ ფერმერებს შესაძლებლობა ექნებათ შეიძინონ მინერალური სასუქი, მცენარეთა დაცვის საშუალებები, ვეტერინარული პრეპარატები, სათესლე-სარგავი მასალა, აგრარული სამუშაო იარაღები და სხვა.

14:00 სთ-ზე, ლაგოდეხში ხორცის გადამამუშავებელი საწარმო "თელა" გაიხსნა. კომპანიამ აგრობიზნესის განვითარების პროექტის ფარგლებში 125,000 აშშ დოლარის ღირებულების გრანტი მიიღო. ამ თანხით და ადგილობრივი მეწარმის თანადაფინანსებით მოხდა საწარმოს განახლება და თანამედროვე ტექნიკით აღჭურვა. ვრცლად...